DIA DO LIBRO

Este luns 24 de Abril, para celebrar o "Día do Libro ", vimos un corto de debuxos animados que nos pemitiu reflexionar sobre a importancia da lectura para crecer como persoas completas e tamén a necesidade de ser os auténticos protagonistas da nosa principal obra: a nosa vida.

Recomendamos o seu visionado a todo o mundo dado o seu grande interese educativo.

                                                Preme na imaxe para ver o video

O NOSO ANIMALARIO

Rematamos xa o noso animalario como cumio do proxecto de Ciencias Naturais sobre os animais. Cada un de nós elaboramos todos os animais que compoñen a maqueta. Tentamos contar cunha ampla representación da clasificación traballada na aula : peixes, aves, artrópodos e mamíferos terrestres.

Finalmente empregamos cartoliñas de cores e un taboleiro que penduramos do teito da aula. Levounos o seu tempo pero finalmente....conseguímolo!!!. Deixamosvos un video para que podades velo.

                                                     Preme na imaxe para ver o video

DÍA MUNDIAL DE CONCIENCIACIÓN DO AUTISMO

O luns dia 3 de Abril celebramos no colexio o Día Mundial de Concienciación do Autismo. Traballamos o tema na aula co visionado do curtometraxe "O cazo de Lourenzo" que podedes ver a continuación e que vos recomendamos encarecidamente.

Fai clic na imaxe para ver o video

Despois inflamos globos azuis, a cor representativa do autismo, e baixamos ao patio todos e todas xuntas para tomar conciencia  da necesidade dun tratamento igualitario para todas as persoas con diversidade funcional.

En marzo de 2017 cúmprense dez anos dende a firma da Convención das Nacións Unidas sobre os Dereitos das Persoas con Discapacidades (CDPD). Con todo, malia que foi ratificada pola Unión Europea e case todos os Estados Membros, a súa aplicación é insuficiente en moitas áreas. Con motivo do Día Mundial de Concienciación sobre o Autismo (2 de abril), o movemento asociativo do Autismo en Europa e España chama aos responsables políticos da Unión Europea e á toda a cidadanía a adquirir un compromiso firme na eliminación das moitas barreiras que aínda impiden ás persoas con Trastornos do Espectro do Autismo (TEA) a gozar dos seus plenos dereitos.